bajae tuhfa-e-dil بجائے تحفۃ دل

وہی ہم سخن جسے دل کہیں

مرد ہونی چاہیے، خاتون ہونا چاہیے

مرد ہونی چاہیے، خاتون ہونا چاہیے
اب گریمر کا یہی قانون ہونا چاہیے

رات کو بچے پڑھائی کی اذیت سے بچیں
ان کو ٹی وی کا بہت ممنون ہونا چاہیے

دوستو! انگلش ضروری ہے ہمارے واسطے
فیل ہونے کو بھی اک مضمون ہونا چاہیے

نرسری کا داخلہ بھی سرسری مت جانئیے
آپ کے بچے کو افلاطون ہونا چاہیے

صرف محنت کیا ہے، انور کامیابی کے لئے
کوئی “اوپر“ سے بھی ٹیلیفون ہونا چاہیے

میر اُن نیم باز آنکھوں میں

عشق میں نَے خوف و خطر چاہیے
جان کو دینے کا جگر چاہیے

ہستی اپنی حباب کی سی ہے
یہ نمائش سراب کی سی ہے

نازکی اُس کی لب کی کیا کہیے
پنکھڑی اک گلاب کی سی ہے

بار بار اُس کے در پہ جاتا ہوں
حالت اب اضطراب کی سی ہے

نقطہء خال سے ترا ابرو
بیت اک انتخاب کی سی ہے

میں جو بولا، کہا کہ یہ آواز
اُسی خانہ خراب کی سی ہے

میر اُن نیم باز آنکھوں میں
ساری مستی شراب کی سی ہے

محتسب کی خیر، اونچا ہے اسی کے فیض سے

دلبری ٹھہرا زبانِ خلق کھلوانے کا نام
اب نہیں لیتے پر رُو زلف بکھرانے کا نام

اب کسی لیلیٰ کو بھی اقرارِ محبو بی نہیں
ان دونوں بدنام ہے ہر ایک دیوانے کا نام

محتسب کی خیر، اونچا ہے اسی کے فیض سے
رند کا ، ساقی کا، مے کا، خم کا ،پیمانے کانام

ہم سے کہتے ہیں چمن والے، غریبانِ چمن
تم کوئی اچھا سا رکھ لو اپنے ویرانے کا نام

فیض اُن کو ہے تقاضائے وفا ہم سے جنھیں
آشنا کے نام سے پیارا ہے بیگانے کا نام

پہلی رات اور لوڈ شڈنگ

پہلی رات اور لوڈ شڈنگ

Shohar ki faryad (Funny Video Poetry)

شوہر کی فریاد ،بیگم کی التجاء(زاہد فخری)۔

میر تقی میر

موسموں کا شہر

فیض احمد فیض